डुडुवा (बाँके) २२ असार । वरिपरि घनाजंगल । बिचमा गाेठहरु । भित्र र बाहिर झन्डै पाँच सय भैंसीहरु । हिलाम्मे गाेठहरु स्याहार्दै,नियाल्दै किसानहरु ।
याे दृश्य बाँकेकाे डुडुवा गाउँपालिका -५ खजुरागाैडीकाे हाे । कम्दीचाेकदेखि उत्तर दुईकिलाेमिटर जंगल नै जंगलकाे बाटाे छिचोल्दै गएपछि पुगिन्छ याे ठाउँ । जहाँ कम्दीका यादव समुदायले भैंसी पालिरहेका छन् ।
यसरी भैंसीपालन गर्न लागेकाे कयौं बर्ष भइसक्याे । तीन चार पुस्ता पहिलेदेखि नै याे ठाउँ पशुपालन भइरहेकाे छ । गाउँघरमा यतिका भैंसीपालन गर्न कठिन हुने भएकाले जंगल र प्रशस्त पानीको स्रोत भएको याे ठाउँमा उनीहरुले पहुपालन कर्म गरिरहेका छन् ।
तर पुर्वाधार नहुँदा उनीहरुले कष्ट झेल्नुपरेकाे छ ।