नेपालगन्ज : बाँकेको कोहलपुरमा रहेको पपलाईफ ईलेक्ट्रोनिक्सले नेपालगन्जमा शाखा बिस्तार गरेको छ । कोहलपुर न्युरोडमा संचालन हुँदै आएको पपलाईफले नेपालगन्जको धम्बोझिमा नयाँ शाखा विस्तार गरेको हो । बिहिवार नेपालगन्ज उद्योग वाणिज्य संघका अध्यक्ष नन्दलाल बैश्य र कोहलपुर व्यापार संघका अध्यक्ष चक्रबहादुर अधिकारीले संयुक्तरुपमा उद्घाटन गरे ।
पपलाईफका संचालक तथा कोहलपुर उद्योग वाणिज्य संघका उपाध्यक्ष प्रदिप भट्टराईले उद्घाटनको केही दिनमा आईटि सम्बन्धी सामाग्रीमा बिशेष अफर र अन्य सामाग्रीमा १५ प्रतिशतसम्म छुट दिइने बताए । होटल तथा ईलेक्ट्रोनिक्स ब्यवसायमा आफ्नो ब्रान्ड स्थापित गर्न सफल पपलाईफ कोहलपुरकै ठुलो ईलेक्ट्रोनिक्स पसल हो ।
