बाँके : नेपालगन्ज चारवाहिनीरोडमा बाँके गाउँमा रहेको ज्ञानोदय बिद्या निकेतन (जिभिएन)ले आज शनिबार २३ औं वार्षिकत्सव मनाएको छ । भब्य कार्यक्रमको आयोजना गरी बिद्यालयले वार्षिकत्सव मनाएको हो ।
सांगीतिक कार्यक्रम, उत्कृष्ट बिद्यार्थीलाई पुरस्कार बितरण लगायतको कार्यक्रम गरिएको थियो । जिल्ला शिक्षा समन्वय अधिकारी गोरख बहादुर थापाको प्रमुख आतिथ्यता र अध्यक्ष सागर ज्ञवालीको अध्यक्षतामा भएको कार्यक्रममा बिभिन्न बक्ताहरुले बोलेका थिए । स्कुलका प्रिन्सिपल मानबहादुर थापाले बिद्यालयले गरेका प्रगतिका बारेमा जानकारी गराएका थिए भने सन्चालन बिद्यालय इन्चार्ज अभि खनालले गरेका थिए । जिभिएन स्कुल पछिल्लो समय उत्कृष्ट बन्न सफल भएको छ । शिक्षाका साथ साथै अतिरिक्त गतिबिधिमा समेत सो बिद्यालयले अब्बल बनेको छ । जिभिएन कलेज समेत रहेको छ ।
