संघको निर्वाचनमा निस्किएको फोहर जिभिएन कलेजका विद्यार्थीले सफा गरे

नेपालगन्ज १२ माघ – नेपालगन्ज उद्योग वाणिज्य संघको निर्वाचनका क्रममा भएको फोहोर जिभिएन कलेजका विद्यार्थी र शिक्षकले सफा गरेका छन् । आईतवार बिहानै भेरी प्राविधिक शिक्षालय पुगेका विद्यार्थीले फोहर सफा गरेको कलेजका सिइओ गणेश भण्डारीले बताए ।

शनिवार भेरी प्राविधिक शिक्षालयमा झण्डै २८ सय मतदाताले संघको निर्वाचनमा मतदान गरेका थिए । मतदानको गणना आज बिहान नौ बजेबाट शुरु हुँदै छ । मतदानका क्रममा उब्जिएको फोहर सफा गरेर जिभिएन कलेजका बिद्यार्थी उदाहरणीय काम गरेका छन् ।