पाल्पाली ढाकाको टोपी मात्र होइन अब कोट पनि ! हेर्नुहोस् तस्विरहरु


पाल्पा २१ माघ – ढाकाको टोपीमा सजिने धेरै छन् ।

तर कहिल्यै ढाकाको कोट लगाउनुभएको छ ? पक्कै छैन् । प्राय नबन्ने भएकाले यस्तो कोट लगाउने धेरैको रहर अधुरै रहने गरेको छ ।

तर अब भने त्यस्तो रहर पुरा हुँदैछ ।

पाल्पा जिल्ला तानसेन नगरपालिका–६ स्थित मदनपोखरा जानकी बस्त्रालयले ढाकाको कोट बनाएर विक्री शुरु गरेको छ ।

विभिन्न आर्कषक डिजाइनमा कोट तयार गरेको उक्त बस्त्रालयका सन्चालक राजेश कुमार भट्टराइले बताए ।

‘पाल्पाली ढाका टोपी त देश, बिदेशमा परिचित छ ।’ भट्टराइले भने–‘अब कोट पनि सबैको नजरमा पर्छ ।’

कोटको मूल्य रु ४ हजार ५ सयदेखि ६ हजार ५ सयसम्म कायम गरिएको छ ।

प्रकाशित मितिः     1:15:57 PM  |