नेपालगन्जका अटो चालकलाई किस्ताको तनाव


नेपालगन्ज २२ असार : नेपालगन्ज खजुरा रोडका रमेश थारुले अटो चलाएर आफनो जिविका चलाउँदै आएका थिए । तर, कोरोनाका कारण सरकारले लकडाउन जारी गरेपछि उनले अटो चलाउन पाएका छैनन् ।

अटो चलाउन नपाए पछि घरको चुल्हो बल्न समेत समस्या भएको छ । उनले अटोबाट भएको आम्दानीले घर व्यवहार चलाउने गरेको बताए । उनले घर, जग्गा धितो राखेर अटो निकालेका थिए । “अहिले अटो नै चलाउन नपाए पछि कसरी घरको चुलो पाल्ने भन्ने चिन्ताले सताएको छ” थारुले भने । उनले राहात समेत पाउन नसकेको बताए ।

अर्का अटो चालक उमेश यादवका् समस्या पनि उस्तै छ । शारीरिक रुपमा अपाङ भएका उनले अटोबाट भएको आम्दानीले सम्पूर्ण खर्च चलाउने गरेको बताए । “अटो चलाउन नपाएपछि कसरी घरको चुल्होे बाल्ने भन्ने चिन्ता छ ।” चलाउनेले भने । उनको ५ जनाको परिवार रहेको छ । स्थानीय सरकार तथा अन्य कुनै पनि संंघ संस्थाबाट समेत राहत पाउन नपाउएको उनको भनाइ छ । “अब रोगले भन्दा पनि भोकले मरिने भन्ने चिन्ताले सताउन थाल्यो” चलाउनेले भने ।

बस्ने घर तथा जग्गा केही नभएकाले थप समस्या भएको उनको गुनासो छ ।


उनले बैंकबाट ऋण लिएर अटो निकालेको बताए । अर्का अटो चालक नरबहादुर मिजारको समस्या पनि उस्तै छ । उनले ६ जनाको परिवार अटो चलाएर पालेका थिए । तर लकडाउनका कारण व्सवारीसाधन बन्द भएपछि परिवार पाल्न समस्या भएको बताए । “अटो चलाउन नपाउँदा आम्दानी छैन, कसैले उधारो दिन पनि मानेका छैनन्” मिजारले भने ।

घरमा खाने खर्च कसरी जुटाउने भन्ने चिन्ता रहेको उनले बताए । हालसम्म उनले कुनै पनि राहात पाउन सकेका छैनन् । अटो किन्दा ल्याएको ऋणको किस्ता तिर्नेका लागि बैकले ताकेता गरेपनि आफूसँग कुनै विकल्प नभएको बताए । ट्राफिक प्रहरीले बजारमा सामान ल्याउन जाँदा समेत समाउने गरेको बताए ।

घर जग्गा धितो राखेर अटो निकालेका राठोरले बैकको किस्ता तिर्ने नसक्दा घर, जग्गा नै जाने हो कि भन्ने चिन्ता रहेको बताउँछन् । “बैकबाट किस्ता बुझाउनका लागि फोन आइरहन्छ कसरी बुझाउने ? उनले भने ।
उनीहरु जस्तै धेरै अटो चालकहरुलाई यस्तै समस्या भोग्नु परेको बताउछन् ।

प्रकाशित मितिः     7:43:29 AM  |