बाँके १७ साउन : आईतवारदेखि मंगलवारसम्म हुने लकडाउनका क्रममा बाँकेमा बैंक तथा वित्तीय संस्था पनि बन्द हुने भएका छन् ।
एटिएम बाहेक अन्य सेवा बन्द गर्न जिल्ला प्रशासन कार्यालय बाँकेले नेपाल राष्ट्र बैंक नेपालगन्ज शाखालाई पत्र पठाएको छ ।
सोही पत्रका आधारमा जिल्लाका बैंक तथा वित्तीय संस्थाले एटिएम बाहेक अन्य सेवा बन्द गर्न लागेका हुन ।
प्रशासनले राष्ट्र बैंकलाई लेखेको पत्रमा जिल्लामा कोभिड संक्रमितको संख्या बढ्दै गएको र त्यसको न्यूनिकरणका लागि गर्न लागिएको निषेधाज्ञाका क्रममा जिल्लास्थित बैंक तथा वित्तीय संस्थाका एटिएम बाहेक अन्य सेवाहरु बन्द गर्ने व्यवस्थाका लागि अनुरोध गरिएको छ ।
आईतवारदेखि बाँकेमा लकडाउन : यि क्षेत्र मात्र सन्चालन गर्न दिइने