सस्तो व्याजदरमा नेपाल बैंकको घर तथा घडेरी कर्जा


नेपालगन्ज १९ साउन : नेपाल बैंक लिमिटेडले नेपालको बैंकिङ्ग बजारमा सबैभन्दा कम ब्याजदरमा घर कर्जा उपलब्ध गराउने भएको छ । बैंकले पाँच बर्ष अवधिका लागी ७.९९ प्रतिशत ब्याजदरमा घर कर्जा उपलब्ध गराउने भएको हो ।

घर निर्माण, घर खरिद तथा तला थप गर्न उक्त प्रकारको कर्जा प्रदान गरिनुका साथै अन्य बैंकमा रहेको घरकर्जा समेत स्वाप गर्ने सुविधा रहेको बैंकले जानकारी दिएको छ । यसका साथै बैंकले नयाँ लघु उद्यम कर्जा, सम्बद्ध ब्यवसाय कर्जा, घडेरी कर्जा योजनाहरु पनि ल्याएको जानकारी दिएको छ ।

लघु उद्यम कर्जा तथा सम्बृद्घ ब्यवशाय कर्जाको वार्षिक ब्याजदर ८.९९ प्रतिशत रहेको र सो ब्याजदर पनि उक्त प्रकृतिका कर्जाहरुमा बंैकिङ्ग क्षेत्रकै न्युन ब्याजदर भएको बैंकले दाबी गरेको छ । उक्त कर्जाहरु प्राप्त गर्नका लागि सम्बन्धित निकायमा दर्ता भई नियमित रुपमा सञ्चालन भएका वा नयाँ सञ्चालन हुने क्रममा रहेका हुनपर्ने बैंकले जनाएको छ ।


विस्तारको निमित्त २५ लाख देखी ९९ लाख रुपैयाँसम्मको लघु उद्यम कर्जा र १ करोड देखी ३ करोड सम्मको चालु तथा स्थिर पूँजी ब्यबस्थापनका लागी सम्बृद्घ ब्यबसाय कर्जा उपलब्ध गराउने बैंकले जनाएको छ । बैंकका अनुसार सम्पुर्ण कर्जाहरु ७ कार्य दिन भित्र निर्णय गरी प्रदान गरिने छ ।

यस्तै बैंकले ९.९९ प्रतिशत ब्याजदरमा घडेरी कर्जा ल्याएको छ । घडेरी जग्गा खरिद गर्न र अन्य बैंक तथा वित्तिय संस्थाबाट लगानी भएको सोही प्रकारको कर्जा स्वाप गरी ग्राहकको आवसिय आवश्यकता पूरागर्न यो कर्जाको सुरुवात गरिएको बैंकले जनाएको छ । बैंकका अनुसार उक्त कर्जा अन्तर्गत खरिद गरिने घडेरी जग्गा कम्तिमा साढे दुई आना वा साढे चार धुर देखी बढीमा एक रोपनी वा डेढ कट्ठा सम्म क्षेत्रफल भएको हुनुपर्नेछ । सो कर्जाको अबधि ५ बर्ष देखी २० वर्षसम्म कायम गरिएको जनाइएको छ ।

बैंकले १८६ वटा शाखाहरु, १२५ वटा एटिएम तथा २९ वटा एक्स्टेन्सन काउण्टर मार्फत सेवा दिदै आइरहेको छ ।

प्रकाशित मितिः     6:49:23 PM  |