बाँकेका दिग्गज राजनीतिज्ञ दिनेशचन्द्र यादवको निधन


नेपालगन्ज । नेपाल कम्युनिस्ट पार्टी (नेकपा) बाँकेका इन्चार्ज एवं भुमि ब्यबस्था समस्या समाधान आयोगका केन्द्रिय सद्स्य दिनेशचन्द यादवको निधन भएको छ ।

कोरोना संक्रमण सहित अन्य रोगले सिकिस्त भएपछि काठमाडौ स्थित ग्राण्डि हस्पिटलमा उपचार गराईरहेका यादवको राती २ ः ३० बजे निधन भएको हो ।

नेकपाका केन्द्रीय सदस्य यादव संघीय सरकारका पूर्व मन्त्री थिए । बाँकेमा उपचार सम्भव नभएपछि उनलाई काठमाडौ रेफर गरिएको थियो ।
प्रतिकूल रहेको बॉकेमा, खासगरी राप्तीपारी क्षेत्रमा नेकपा (एमाले) लाई स्थापित गर्न अतुलनीय योगदान गरेका यादव लोकप्रिय, मिलनसार र मृदुभाषी नेता मा गणना गरिन्छ ।


सांसद, राज्यमन्त्री र केन्द्रीय कमिटी सदस्यका रूपमा उनले गरेका योगदान त छँदैछन्, मधेसी समुदायबीच पार्टीलाई लोकप्रिय बनाउन महत्वपूर्ण भूमिका निभाएका थिए ।

उनको निधनले नेकपा बाँकेमा अपुरणीय क्षति भएको नेकपा बाँकेका नेताहरूले बताएका छन् ।

प्रकाशित मितिः     7:55:15 AM  |